Қирғизистон Миллий хавфсизлик давлат қўмитасининг собиқ раҳбари уй-жойга муҳтож бўлган оилага янги хонадон калитларини топшириш маросимида иштирок этди. Бу ҳақда 24 kg нашри хабар берди.
Тадбир давомида Қамчибек Ташиев янги уй эгаларига калитларни шахсан топширди ва оилага фаровонлик тилади.
"Ҳар бир инсон ўз уйига эга бўлиши керак. Президент Садир Жапаров фуқароларнинг уй-жой муаммоларини ҳал қилишга қаратилган сиёсат олиб бормоқда. Ўш ва Қора-Сувда ипотека уйлари қандай очилганини ўзингиз кўрдингиз. Минглаб оилалар ўз уйларига эга бўлиш имкониятига эга бўлдилар. Ҳар бир муҳтож оиланинг бошпанаси бўлиши керак," - деди Қамчибек Ташиев.
Қайд этиш жоизки, бу унинг МХДҚ раиси лавозимидан истеъфога чиққанидан кейинги илк оммавий чиқиши бўлди.
Жорий йилнинг 10 феврал куни Қирғизистон Миллий хавфсизлик давлат қўмитаси раиси, бош вазир ўринбосари Қамчибек Ташиев президент Садир Жапаровнинг фармони билан лавозимидан озод этилди. У ўз қарорини “жамиятда бўлинишга йўл қўймаслик” истаги билан изоҳлади.
Миллий хавфсизлик давлат қўмитасининг собиқ раҳбари ҳокимиятни зўравонлик билан эгаллашга тайёргарлик кўрганликда ва мансаб мавқеини суиистеъмол қилишда айбланмоқда. Суд жараёни давом этмоқда.
