«Манчестер Сити» собиқ ярим ҳимоячиси Бернарду Силванинг келажаги ҳамон мавҳумлигича қолмоқда. Яқинда португалиялик футболчи «Барселона»га ўтиш вариантини кўриб чиқаётганини, аммо ҳали якуний қарорга келмаганини тан олган эди.
Журналист Алекс Пинтанель хабарига кўра, Каталония клуби ярим ҳимоячининг бундай оммавий баёнотидан ҳайратда қолган, чунки у билан аллақачон икки йиллик шартнома шартлари келишиб қўйилган эди. Бироқ бош мураббий Ханс-Дитер Флик «шаҳарликлар» собиқ сардорини сотиб олишни жамоа учун устувор вазифа деб ҳисобламаяпти. Германиялик мутахассиснинг фикрича, жамоанинг ярим ҳимоя чизиғи усиз ҳам етарлича кучли шаклланган.
Шунингдек, Бернарду Силвага Мадриднинг «Атлетико» клуби ҳам жиддий қизиқиш билдирмоқда. Мавжуд маълумотларга кўра, «матрасчилар» 31 ёшли футболчига «кўк-анорранглилар»га қараганда анча муҳимроқ ва етакчилик ролини таклиф қилишмоқда.
Миллион россиялик мамлакатни тарк этди
47°C иссиқликда тонг ҳам, тун ҳам йўқ: Ҳиндистоннинг энг иссиқ ҳудудида бир кун
Ўзбекистон – Нидерландия ўртоқлик ўйини Нью-Йоркда бўлиб ўтади
