Колумбия Фаластинга биринчи элчисини тайинлади

Колумбия президенти Густаво Петро ҳукумати душанба куни Хорхе Иван Оспинани расман мамлакатнинг Фаластин давлатидаги биринчи элчиси этиб тайинлади.

YeniŞafak нашри хабар беришича, Кали шаҳрининг собиқ мэри ва Фаластиндаги янги элчи Оспина "Бугун Фаластин халқи жабр кўраётган геноцидни қоралаш" ва "у ерда яшовчиларни озод қилиш" учун ҳаракат қилиш мажбуриятини таъкидлади. Оспина "имкон қадар тезроқ" Рамаллоҳга боришга умид қилаётганини айтди.

Эслатиб ўтамиз, 2024 йил 1 май куни Колумбия президенти Петро Исроил ҳукумати билан дипломатик муносабатларни узган эди.