Қўшма Штатлар Россия стратегик авиация самолётларининг йўқ қилинишига жавобан Украинани кенгроқ ўққа тутилишини истисно этмаяпти; СБУ инфратузилмаси ҳужумга учраши мумкин.
Бу ҳақда Reuters агентлиги Америка расмийларига таяниб ёзмоқда.
Уларнинг ҳисоб-китобларига кўра, Россия ўтган ҳафта охирида содир бўлган дрон ҳужумига ҳозирча тўлиқ жавоб бермаган. Таъкидланишича, Кремль яқин орада кенг кўламли кўп векторли зарба тайёрламоқда.
Агентлик манбаларидан бири ҳужумнинг аниқ вақти номаълумлигини, бироқ бу яқин кунларда содир бўлиши мумкинлигини таъкидлади. Бошқа бир расмийнинг таъкидлашича, жавоб турли хил ҳаво ҳужумлари воситаларини, жумладан, ракеталар ва дронларни ўз ичига олади.
Бошқа бир манба таъкидлаганидек, бу Москванинг "ассиметрик" жавоби ҳақида. Яъни, уни СБУ дронларининг Россия самолётларига берган зарбаси билан таққослаб бўлмайди. Ғарб дипломатларидан бири Россия Киевга аниқ сигнал бериш учун рамзий нишонларга, хусусан ҳукумат биноларига навбатдаги зарбалар беришини таъкидлади.
Яна бир юқори мартабали дипломат ҳужум "оммавий, шафқатсиз ва барқарор" бўлишини кутмоқда. Россия ва Украинанинг Вашингтондаги элчихоналари, шунингдек, Оқ уй агентликка бу борада изоҳ беришдан бош тортди.
Эслатиб ўтамиз, 1 июнь куни Россия Мудофаа вазирлиги Украинанинг ФПВ учувчисиз учоқлари Мурманск, Иркутск, Иваново, Рязан ва Амур вилоятларидаги аеродромларга ҳужум қилгани ҳақида хабар берган эди.
Бу Россия ҳудудидаги ҳарбий инфратузилмага қилинган энг йирик ҳужум эди.
Ўзбекистонлик тадбиркор Ўткир Юсуповга Тошкент шаҳридан 3 хонали уй ваъда қилди (видео)
Ҳиндистон чўкиб кетмоқда - ярим миллиондан ортиқ қурбонлар
Тошкент шаҳар ИИББ жиддий огоҳлантиради!
