Клопп Антонини Салоҳга ўринбосар сифатида кўрганини билармидингиз?

Антони "Ливерпуль" футболчисига айланиши мумкин эди.

The Times нашрининг ёзишича, 2022 йилнинг ўрталарида "Ливерпуль" Муҳаммад Салоҳ билан шартномани узайтириш бўйича музокаралар олиб бораётганида, Юрген Клопп керак бўлса, бразилиялик вингер мисрлик футболчининг ўрнини босиши мумкинлигига ишонган.

Ўшанда "Аякс"да ўйнаган Антони эҳтимолий вариантлардан бири сифатида кўрилганди.

Якунда бразилиялик футболчини "Манчестер Юнайтед" сотиб олди ва "Ливерпуль" Салоҳ билан келишувга эришди.

Жорий мавсумда Антони Премьер-лигада 2 та ўйин ўтказди ва гол урмади, Салоҳ 11 ўйинда 8 та гол ва 6 та голли узатмани амалга оширди.