КХДР етакчиси Ким Чен Ин мамлакат тарихидаги энг йирик қурол-яроғ заводини қуришга буйруқ берганга ўхшайди. Бу ҳақда Newsweek журнали Planet Labs америкалик компанияси томонидан олинган сунъий йўлдош тасвирларини таҳлил қилган ҳолда хабар берди. Янги завод ҳозирда мавжуд бўлган ҳарбий корхона яқинида жойлашади, аммо ундан анча катта бўлади.
Энг муҳим жиҳат — ушбу заводнинг маҳсулоти, эҳтимол, биринчи навбатда Корея халқ армияси учун эмас, балки Россия армияси учун мўлжалланган.
Сеулдаги Фридрих Науманн Фонди Корея бюроси раҳбари Фредерик Спор BILD нашрига қуйидагиларни маълум қилди:
🗣 «Россияга қурол экспорт қилиш — шимолий корейлар учун жуда муҳим даромад манбаига айланди. [...] Украиналиклар Россиянинг бир қатор узоқ масофали бомбардимон самолётларини ишдан чиқарганидан сўнг, Россия баллистик ракеталарга, хусусан, ерга асосланган турларига таянишни бошлади. Шимолий Корея эса шундай ракеталарни, жумладан, KN-23 қисқа масофали баллистик ракетасини етказиб бермоқда.»
📌 Жанубий Корея мудофаа вазирлиги маълумотларига кўра, ўтган йили Шимолий Кореяда ўқ-дорилар ишлаб чиқариш тўлиқ қувватда амалга оширилган. Мамлакат Россия армиясига миллионлаб снарядлар ва кўплаб ракеталар етказиб берган.
Исроил Эрон билан уруш тугаганини расман эълон қилди
Эрон бутун Исроил бўйлаб зарбалар берди — Ислом инқилоби қўриқчилари корпуси
Хитой Россиядан кейин Эрон томонига ўтди
