Килиан Мбаппенинг трансфер нархи пастлади

Мадриднинг "Реал" клуби ҳужумчиси Килиан Мбаппе Франциянинг "ПСЖ" клубидан Испанияга ўтганидан сўнг трансфер қийматини бироз йўқотди.

Машҳур "Transfermarkt" интернет портали Испания Ла лигаси футболчилари учун янги нархларни эълон қилди ва шу муносабат билан 26 ёшли Мбаппенинг нархи ҳам янгиланди.

Ҳужумчининг нархи 20 миллион еврога тушиб кетган, ҳозир эса 160 миллион еврога тенг. Бу 2022 йил ноябрь ойидан бери биринчи марта содир бўлди. Ўша йилнинг декабрь ойида Мбаппе 180 миллион еврога баҳоланган ва икки йил давомида бу кўрсаткични сақлаб қолганди.