Мадриднинг "Реал" клуби мавсум охирида Винисиус билан шартномани узайтириш устида иш бошлайди.
AS нашри хабарига кўра, Мадрид клуби келаси ёзда бразилиялик футболчи билан шартномани узайтирмоқчи. Амалдаги келишув 2027 йилгача мўлжалланган.
Йилига 10 миллион евро атрофида маош оладиган вингер янги шартнома бўйича маоши Килиан Мбаппеникига тенг ёки унга яқин бўлишини истамоқда.
Қайд этилишича, Саудия чемпионати ҳамон 24 ёшли футболчига қизиқиш билдирмоқда ва уни келаси ёзда сотиб олишга ҳаракат қилади. Улар Винисиусни "Ал-Аҳли"да кўрмоқчи – матбуотда саудияликлар 5 йилга ва 1 миллиард евродан ортиқ суммага шартнома тайёрлаб қўйгани ҳақида миш-мишлар тарқалди, бироқ улар ҳали тасдиқланмаган.
Ла Лиганинг жорий мавсумида бразилиялик футболчи 14 та ўйинда майдонга тушиб, 8 та гол урди ва 5 та голли узатмани амалга оширди.
Учинчи жаҳон уруши айнан қаерда бошланиши айтилди
Қодиров Ўзбекистон раҳбариятини "уйғониш қўнғироғи"дан огоҳлантирди
Европани ғазаблантирган учрашув
