"Украинанинг иттифоқчилари урушни дипломатик йўл билан тугатиш йўлларини изламоқда, Зеленский эса мослашувчан ёндашувга тайёр", деб ёзмоқда Bloomberg НАТОдаги манбаларга таяниб. Номи ошкор этилмаган Украина расмийлари агентлик билан суҳбатда урушни тугатиш зарурлигини тан олди, гарчи уларнинг ҳеч бири Россия Федерациясига ҳудудий имтиёзлар бериш имконияти ҳақида гапирмаган бўлсада.
"Иттифоқчилар Киевдан икки ярим йил давом этган урушни тугатиш учун аниқроқ режа талаб қилмоқда", дея қайд этди нашр. Зеленский ўзининг “ғалаба режаси” тафсилотларини ҳали ошкор қилмагани сабабли, агентлик манбалари “стратегик ноаниқлик” элементларини кўрмоқда.
Аввалроқ Зеленский Украина суверенитети ёки ҳудудлари устидан “савдо қилиш имконияти” ҳақида гап ҳам бўлиши мумкин эмаслигини айтган ва яна 1991 йилги чегараларга қайтишни назарда тутувчи Украина “тинчлик формуласи”ни талаб қилган. Россия президенти Владимир Путин, ўз навбатида, Украина қуролли кучларини Россия томонидан босиб олинган Украина ҳудудларидан олиб чиқиб кетишни ва Киевнинг НАТОга қўшилиш учун берган аризасини қайтариб олишини талаб қилмоқда.
Эрон зарбасидан кейин Исроил ҳаво кучлари базасининг сунъий йўлдош тасвирлари эълон қилинди
Украинага «Барча бомбаларнинг отаси» ташланди
Россия элчиси қўрқиб кетди
