Кейн ЕЧЛ тарихида бу натижага эришган учинчи футболчига айланди

Харри Кейн "Бавария" сафида Чемпионлар Лигасидаги 20 ва 21-голларини киритди.

Мюнхен клуби ҳужумчиси мусобақа умумий босқичининг 1-турида "Челси"га қарши ўйинда (3:1) дубль қайд этди.

Кейн Чемпионлар лигаси тарихида икки клуб сафида 20 ёки ундан ортиқ гол урган учинчи футболчи бўлди - "Тоттенхэм" таркибида ҳам у 21 марта гол урган.

Бунгача Криштиану Роналду ("Реал"да 105 гол, "Манчестер Юнайтед"да 21 гол) ва Неймар ("Барселона"да 21, "ПСЖ"да 22 гол) бунга эришганди.