Кения ҳукумати Эрондаги уруш туфайли юзага келган иқтисодий зарбаларни бартараф этиш учун Жаҳон банкига тезкор молиявий ёрдам сўраб мурожаат қилди. Марказий банк раҳбари Камау Туггенинг маълум қилишича, энергия ресурслари импортига боғланиб қолган мамлакат бензин тақчиллигининг олдини олиш ва инфляцияни жиловлашга ҳаракат қилмоқда.
Тугге сўралган маблағ миқдорини очиқламади, бироқ ушбу ёрдам инқирозгача келишилган бюджет кредитларига қўшимча равишда берилишини таъкидлади.
Ҳозирда Кения шиллинги уруш фонида бироз заифлашган, аммо Марказий банк 13 миллиард доллардан ортиқ валюта захирасига эга экани ва бу тебранишларни жиловлаш учун етарли эканини билдирди. Шунингдек, банк олтин захираларини тўлдириш ва июнь ойидаги йиғилишда фоиз ставкаларини иқтисодий кўрсаткичлардан келиб чиқиб қайта кўриб чиқишни режалаштирмоқда.
Уганда президентининг ўғли Туркиядан 1 млрд доллар ва энг гўзал қизни талаб қилмоқда
Хитой АҚШни огоҳлантирди
Эрон Ҳарбий-денгиз кучлари АҚШ эсминецларини Ҳўрмуз бўғозидан чиқариб юборди
