Келлогг: "АҚШ ва Европа Украина учун "Маршалл режаси"ни ишлаб чиқиши мумкин"

АҚШ ва Европа Украинани тиклаш бўйича янги "Маршалл режаси"ни ишлаб чиқиши мумкин.

Бу ҳақда АҚШ президентининг махсус вакили Кейт Келлог Американинг Иккинчи жаҳон урушидан кейин Европага кўрсатаётган ёрдам дастури билан параллель равишда айтиб ўтди.

"Иккинчи жаҳон урушидан кейин АҚШ ва Европа иттифоқчилари урушдан вайрон бўлган ҳудудларни қайтадан фаолият кўрсатаётган давлатларга айлантиришга мажбур бўлди. Биз бу каби саъй-ҳаракатларнинг муваффақиятини, айниқса, "Маршалл режаси" деб номланувчи Европани тиклаш режаси билан кўришимиз мумкин... АҚШ ва европаликлар Украинага нисбатан ҳам худди шундай саъй-ҳаракатларни бошлашлари мумкин", — деди у Римда Украина бўйича конференцияда сўзлаган нутқида.

Келлоггнинг сўзларига кўра, Ғарб аллақачон Киев билан имзоланган иқтисодий ҳамкорлик шартномалари орқали бу мақсад сари олға силжишини кўрмоқда.

Аввалроқ Украина бош вазири Денис Шмихал яқин 14 йил ичида мамлакатни тиклаш ва модернизация қилиш учун 1 триллион доллар керак бўлишини ва Киев уни музлатилган Россия активларини, шунингдек, Европадаги сармояларини мусодара қилиш орқали олишни кутаётганини айтганди.