Келаси йилги IBA Жаҳон чемпионатининг мукофот пули ошади ва яна битта вазн қўшилади

Бу маълумотни кечаги жаҳон чемпионати якунланганидан сўнг шахсан IBA президенти Умар Кремлёв берди.

Унинг айтишича, келаси йилги IBA Жаҳон чемпионатининг умумий мукофот жамғармаси оширилади ва вазн тоифалари биттага кўпайтирилади.

"Биз мукофот жамғармасини саккиз миллион доллардан ўн миллион долларгача кўтарамиз. Бу тўртинчи ва бешинчи ўринларни эгаллаган боксчиларга 10 мингдан эмас, 30 минг доллардан гонорар олиш имконини беради.

Шунингдек, Конгрессга вазн тоифалари сонини 14 тага етказишни ва -100 кг гача вазнни қўшишни таклиф қиламан" - деди Кремлёв.