Канададаги ҳарбий базада кучли портлаш юз берди: камида 7 киши ҳалок бўлди

Канаданинг Альберта провинциясида жойлашган "Уэйнрайт" ҳарбий базасида содир бўлган портлаш ва ёнғин оқибатида камида етти киши ҳалок бўлди, ўнлаб одамлар жароҳат олди.

Бу ҳақда Global News телеканали мамлакат Қуролли кучларидаги манбаларига таяниб хабар бермоқда.

Телеканал маълумотига кўра, ҳарбий базада жанговар ўқ-дорилардан фойдаланилган ҳолда ўтказилаётган машғулотлар давомида ҳудуддан ўтган газ қувури шикастланган.

Натижада кучли портлаш содир бўлиб, унинг ортидан ёнғин келиб чиққан.