Канада АҚШни енгиб, жаҳон етакчисига айланишни ваъда қилди

Канада АҚШнинг бир қисмига айланмайди ва савдо урушида уни мағлуб этади, деб таъкидлади Канада бош вазири лавозимига номзод Марк Карни.

"Савдо уруши жаҳон иқтисодиётини хароб қилди, у [АҚШ президенти Доналд Трамп] Американинг қўшниси, энг яқин дўсти ва энг содиқ иттифоқчиси бўлган Канадага хиёнат қилди," - деди сиёсатчи.

Карни мамлакатнинг халқаро майдондаги ўрни кучайишига ва Америка "глобал ишлардан четлашаётган" бир пайтда, Канада "дунё етакчиси"га айланишига ишонч билдирди.

Бу баёнотлар АҚШ-Канада муносабатларидаги зўриқиш ва олдинда турган сайловлар фонида янгради. Ушбу сайловларда Карни ўзини Канада миллий манфаатлари ва иқтисодий мустақиллигининг ҳимоячиси сифатида намоён этмоқда.