Маълумингизким, камина чорак асрдан бери кийим-кечак бизнесида фаолият юритаман. Касбим тақозоси сабаб “Мода олами” янгиликлари, янги чиқаётган урфлар, йўналишлардан хабардор бўлиб туришим, келгуси йил нималар, қандай услублар бозорга таклиф этилишини ўрганишга, брендлар тарихини, асосчилари, эгаларини йўналишларини билишга мажбурман. Чунки жаҳондаги асосий мода ва йўналишни белгиловчи дизайнерлар таклифлари маҳсулот бозорга чиқарилишидан бир йил олдин берилади. Матолар, қайси ранг урф бўлиши, қайси аксессуарлар ишлатилиши кўрсатиб берилади.
Кейин мато ишлаб чиқарувчи фабрикалар, ип, аксессуар чиқарувчи фабрикалар ўша маҳсулотларни ишлаб чиқаради. Охирида фабрикалар ўша маҳсулотларни тикишни бошлайди.
Йилда 2 марта “Баҳор-ёз” ва “Куз-қиш” йўналишида асосан Европада, Милан ва Париж шаҳарларида модалар кўргазмаси бўлиб ўтади ва кейинги мавсум йўналишларини белгилаб беради. Урфлар ўртача 20-25 йилда такрорланиб туради. Баъзан сал кечикиши ҳам мумкин. Лекин асосий мавзу бу ҳақда эмас.
Дунёдаги энг машҳур дизайнерлар, либос яратувчиларининг “орентация”сидан кўпчиликнинг хабари бор албатта. Шу нарса дунёдаги мода оламига, кийиниш маданиятига катта таъсир қилишини ҳам кўпчилик инкор этолмайди. “Овертон туйнуги” ҳақида хабари борлар ҳозир дунёда “гейлаштириш” сиёсати кетаётганини, бу сиёсат қандай тақдим этилаётганини ҳам кўриб-билиб турибдилар. Охирги 10 йилликда бу ишлар авжига чиқмоқда.
Пайғамбаримиз Муҳаммад соллаллоҳу алайҳи вассалам “Ким ўзини қайси қавмга ўхшатса,уларга тақлид қилса, қиёматда ўшаларни қаторида бўлади”деб айтганлар. Шариатимизда ҳам мусулмонларга турмушдаги барча ишларни, бизнинг ҳозирги мавзумиз бўлмиш кийиниш одоблари хақида ҳам батафсил кўрсатиб берилган. Нима кийиш ҳарому, нималар жоиз эмаслиги, ҳаммаси ёзилган.
1. Ипак кийим, ҳарир матодан тикилган кийим мусулмон эркакларга аниқ равшан ҳаром қилинган.
2. Аёлларга тегишли, аёлларга хос кийимларни эркак кийиши ҳаром.
3.Бошқа дин вакилларининг динига хос кийимлар (поплар, раввинлар, индус ва коҳинлар либослари)ни кийиш ҳам.
4. Ҳайвон ва одам сурати туширилган, ҳар хил ёзуви бор (кўпинча Исломга ёт гаплар ёзилади бундай либосларда) кийимлар.
5.Исломга қарши оқимлар (сатанистлар, металлистлар, рокерлар, гейлар ва ҳоказолар)га мансубликни кўрсатиб турувчи либослар.
6.Жуда тор (аврат сезилиб турадиган), калта (руку ва саждада аврати очилиб кетадиган) кийимлар.
7.Ёрқин, дарҳол кўзга ташланувчи, ўзига атрофдагиларнинг эътиборини жалб қилувчи кийимлар кийиш ҳам мусулмонга жоиз эмас.
Мусулмон еяётган луқмаси, кияётган либосига эътиборли бўлмоғи лозим. “Ҳамма еяпти-ку”, «Ҳамма шунақа кийиняпти-ку”дейиш камида бефаросатлик белгиси. Суриштириш, билиш, тагига етиш керак ҳамма нарсанинг. Негаки Аллоҳ таоло бандаларига «Бешикдан қабргача илм излашни» ўқиб ўрганишни, ҳар бир ишдан ҳикмат излашни буюрган.
Лут алайҳиссалом қавмларида баччавозлик ниҳоятда урчиган экан. Пайғамбар қавмини бу ишдан қайтарганларида турли дашном, тазйиқ, кулги, таҳқирлашларга дучор бўлганлар. Чунки қавм учун бу жирканч иш оддий ҳол, одатга айланган эди. Қавмдан саноқли кишигина Лут алайҳиссалом ваҳийларини қабул қилган. Қолганлари “Бизники тўғри”, деб ҳалок бўлган. Лекин бу жирканч иш тарафдорлари ҳамон бор ва бу разолатни оламга ёймоқдалар. Тарихимизга назар солсак, баччавозлик учун ўлим жазоси берилган вақтларда ҳам, юрт исломобод бўлган замонларда хам бу ишлар тўхтамаган.
Яширинча давом этаверган. Баччавозлар ва баччалар бир-бирларини омма орасидан таниб олишлари учун ўз яширин «белгилари» бўлган.
1. Саллага кўзмунчоқ тақиш.
2. Қизил этик, ковуш кийиш.
3. Аёллар атирларини сепиб юриш.
4. Жимжилоқ тирноғини ўстириб юриш.
5. Кокил ўстириш.
6. Қўл ва оёқдаги тукларни юлиб ташлаш (бадан аёлларикидек кўриниши учун).
7. Бетга упа суртиш, ялтиратиб мой, крем суриш.
Калта пайпоқ: уни бесоқолбозларга тегишли деган фикрлар қанчалик асосли?
Хуллас бундай ҳийла-найрангларни яна анчагина санаш мумкин. Айниқса бизнинг даврга келиб бундай яширин белгилар, ўзига хос парфюм, кийиниш услубларини тайёргина яратиб берувчи бутун бошли «гей-индустрия» ишга тушган. Илгари «бачча», «баччавоз», «ҳезалак» деб, русларда «пидараз» деб нафратли номланувчи бу қавм хозирда ўзларини «голубой», кейинроқ нейтрал ва тахқирловчи бўлмаган, аксинча, эркаловчи «гей» деб номланишларига эришдилар. Жамиятдаги одамларнинг ўзларига тоқатли, беэътибор, шафқатли бўлишларига эришдилар. Лекин бу билан тўхтамасдан, ёшларни ўзларига ўхшатиш харакатидалар. Ёши катталаримиз, зиёлиларимиз, диний уламоларимиз бу ёғига ҳушёрроқ бўлишлари лозим.
«Калта пайпоқ» масаласида кўтарилган тўполонлар бунинг бир дебочасидир. Аслида ўша калта пайпоқни кийган билан одам гей бўлиб қолмайди. Лекин асосий масала бундамас. Калта пайпоқ ёки «пятка» кеча ё бугун пайдо бўлгани йўқ. Калта пайпоқ ва «пятка»лар пайпоқ ишлаб чиқариш бошланган даврлардан бери бор. Фақат бундай пайпоқни фақат аёллар кийишарди ва фақатгина аёлларга хос ҳисобланган. Бувиларимиз, оналаримиз ҳам калиш, ковуш, туфли кийганларида кийишарди. Эркаклар учун калта пайпоқ худдики атлас иштон, рўмол каби «эркакка ёт, кийиш ҳаром» нарса эди.
Бундан 6-7 йил илгари Европа гейлари оёқларини аёлларникига ўхшатиб юриш учун туфли, мокасин, кроссовкаларни «пятка» ёки калтагина пайпоқ билан кийишни урф қилишди (пайпоқсиз ҳам киярдилар-ку, лекин бунинг иложи йўқда! Оёқ терлаб, пойабзал бижиб кетади). Атрофдагилар истаса-истамаса бундай «аёлмонанд»оёққа бир назар ташлайди, эътибор қаратади. Чунки аёл кишининг оппоқина, силлиқина оёғи доимо эркакнинг диққатини ўзига тортиши, ҳиссиётини уйғотиши бор нарса ва бу эркак учун нормал ҳолат хисобланади. Худди шу нарса эркакнинг эркак оёғига бир қараб қўйишига сабаб бўлади. Чунки эркакнинг айнан тўпиқ ва панжа устида тук ўсмайди.Калта пайпоқ ва «пятка» билан кийилган пойабзалда худди аёлларнинг оёғидек «оппоқина», «силлиқина» кўринади. Эркакнинг «онг ости»га «забт этилиши керак бўлган объект» сигналини юборади. Масаланинг бутун мағзи, «ядроси» шу аслида. Астағфируллоҳ!
Биз кимнидир камситиш, масхара қилиш фикридан йироқмиз, Аллох шоҳид! Мақсадимиз фақатгина хабардор қилиш, огоҳлантириш, фикрлашга чақириш, билганларимизни дўстлар билан ўртоқлашиш холос. ТВдаги экспертни ҳақоратларга кўмиб ташлаётган бўлишса ҳам, у ҳақ гапни гапирганди. Асос ва фактлар етарли. Ишонмаганлар «Гугл»дан «Как одеваются геи?» ёки «Гей мода, обувь» деб излаб кўринг. Сўнг бир мушоҳада қилинг.
Шораҳмат ҚУРБОНОВ
Manba: azon.uz
