Американинг йирик нефть компанияси Chevron АҚШ ва Исроилнинг Эронга қарши ҳарбий операцияси фонида Калифорнияда энергетика инқирози хавфи ҳақида огоҳлантирди.
Бу ҳақда Bloomberg нашри хабар бермоқда.
Нашрнинг маълумотларига кўра, Калифорния ёқилғисининг тахминан 20 фоизини Осиё мамлакатларидан олади, улар Ҳормуз бўғози орқали энергия таъминотига таянади. Бундан ташқари, штат АҚШнинг асосий энергия ишлаб чиқариш ва қайта ишлаш марказлари - Техас ва Луизиана билан боғлиқ эмас.
Вазият сўнгги йилларда қаттиқроқ экологик қоидалар туфайли харажатларнинг ошиши ва нефть компаниялари фойдасининг пасайиши туфайли бир нечта нефтни қайта ишлаш заводларининг ёпилиши билан янада оғирлашди.
"Калифорния импортга таянишга қарор қилди. Бу хавфли ўйин", деди Чеврон вакили Энди Уолз.
Америка автомобиль ассоциацияси (ААА) маълумотларига кўра, Калифорнияда бир галлон бензин нархи бир ой аввалги 4,62 доллардан 5,82 долларгача кўтарилди. АҚШда ўртача нарх 3,97 долларни ташкил этади.
Эрон АҚШнинг F-35га қандай ракета билан зарба берганини кўрсатди
Ҳусановнинг финалдаги ўйини қандай баҳоланди?
Эрон Трампнинг Ҳормуз бўғозини очиш ҳақидаги ультиматумига жавоб берди
