КХДРнинг “энг ашаддий душмани” ким?

Ким Чен Ин Жанубий Кореяни КХДРнинг “энг ашаддий душмани” деб эълон қилди.

КХДР етакчиси Ким Чен Ин Олий халқ мажлиси (парламент) йиғилишидаги нутқида Жанубий Кореяни расман “энг ашаддий душман давлат” деб эълон қилди. Бу ҳақда Корея Марказий ахборот агентлиги хабар берди.

Шу билан бирга, Шимолий Корея етакчиси Сеулнинг Пхенянга нисбатан ҳар қандай эҳтимолий тажовузи учун “аёвсиз жазо” муқаррар эканини қўшимча қилди.

"Биз Жанубий Кореяни энг ашаддий душман давлат деб ҳисоблаймиз. Жанубий Кореянинг мамлакатимизга дахлдор ҳар қандай салбий ҳаракати учун уни заррача истисносиз ва иккиланмасдан шафқатсиз бадал тўлашга мажбур қиламиз", — дея огоҳлантирган Ким Чен Ин.