Калифорния губернатори Трамп маъмуриятидан штатдаги Миллий гвардияни чақириб олишни талаб қилди

Губернатор Гэвин Ньюсом штатда ноқонуний миграцияга қарши рейдларга қарши норозилик намойишлари давом этаётган бир пайтда, АҚШ Мудофаа вазири Пит Хегсетга мурожаат қилиб, Лос-Анжелесда Миллий гвардия қўшинларининг “ноқонуний жойлаштирилиши” тўғрисидаги қарорни бекор қилишни талаб қилди.

Президент Доналд Трамп, Калифорнияда Қўшма Штатларнинг Иммиграция ва божхона хизматлари томонидан ўтказилган рейдларга қарши норозиликлар бошлангач, ушбу штатга 2000 нафар Миллий гвардиячини юборишни буюрган эди. Бир ҳафта ичида Лос-Анжелес атрофида миграция қонунчилигини бузганлик гумони билан 118 киши қўлга олинган.

"Трамп аралашмагунча, бизда ҳеч қандай муаммо йўқ эди. Бу штат суверенитетининг жиддий бузилиши — зиддиятни авж олдириш ва ресурсларни ҳақиқатан зарур бўлган жойлардан олиб қўйишдир", — дея таъкидлади Гэвин Нюсом расмий мурожаатида.

Унинг сўзларига кўра, штат раҳбари сифатида, хорижий бостириб кириш ёки давлат ҳокимиятига таҳдид солувчи исён бўлмаган тақдирда, федерал ёрдамга мурожаат қилиш тўғрисида қарорни айнан у қабул қилиши керак.

Бундан ташқари 22 штатнинг демократ губернаторлари томонидан эълон қилинган умумий баёнотда президент Трамп "ўз ваколатларини хавотирли даражада суиистеъмол қилганликда айбланду, Пентагон раҳбари Хегсетнинг Калифорнияга денгиз пиёда қўшинларини юбориш ҳақидаги таҳдидлари эса қораланди.