"Россия билан узоқ уруш олиб боришнинг иложи йўқ"

Россия Украинада узоқ муддат уруш олиб боришга тайёр, Киев томонидан ён берилмаслиги эса Украинага янада катта ҳудудий йўқотишларга олиб келади,

Россия президентининг ёрдамчиси Владимир Мединский бу ҳақда The Wall Street JournalЖоурн нашрига берган интервюсида айтиб ўтди.

Шу билан бирга, Мединскийнинг сўзларига кўра, Истанбулдаги сўнгги музокаралар арафасида Россия стратегик авиациясига қилинган ҳужум музокараларга салбий таъсир кўрсатмаган.

"Россия билан узоқ уруш олиб боришнинг иложи йўқ. Бундай урушлар 21 йил давом этиши мумкин, бунга мисол сифатида Россиянинг Швеция билан урушини мисол келтириш мумкин. Биз урушни хоҳламаймиз, тинчликни истаймиз. Аммо агар Украина бошқа давлатларнинг миллий манфаатлари асосида ҳаракат қилишда давом этса, биз бунга жавобан чоралар кўришга мажбур бўламиз", — дея таъкидлади Мединский.

Унинг айтишича, Россия урушни якунламоқчи, чунки бу можаро Россия ва Украина ўртасидаги келишмовчиликларни чуқурлаштирмоқда.

"Бу худди икки ака-ука ўртасида ким ақллироқ ва муҳимроқ эканлиги ҳақидаги баҳсга ўхшайди. Афсуски, бу можаро бизнинг қарашларимиздаги фарқни янада чуқурлаштирмоқда ва айнан шу сабабли биз унинг иложи борича тезроқ якунланишини хоҳлаймиз", – дея қўшимча қилди Мединский.