Кака ва Роналдо Анчелоттини Бразилия терма жамоасини бошқаришга кўндирмоқчи

Бразилия терма жамоаси собиқ афсонавий футболчилари Кака ва Роналдо италиялик мутахассис Карло Анчелоттини миллий жамоани бошқаришга кўндирмоқчи.

"The Athletic" хабар тарқатишича, улар "Реал" устозининг Бразилияга келишида муҳим роль ўйнаши мумкин. Боиси, айнан улар Бразилия футбол конфедерацияси номидан Анчелотти билан музокара олиб боришмоқда.

Маълумотларга қараганда, Анчелотти, агар ёзда "Реал"дан кетадиган бўлса, "пентакампеонлар"ни қабул қилишга тайёр. Унинг Мадридда келажаги эса жамоанинг жорий мавсумдаги натижаларига боғлиқ. Перес уни истеъфога чиқармаса, мутахассиснинг ўзи "Реал"да қолиб ўз ишини давом эттиришни истамоқда.

Эслатиб ўтамиз, Анчелоттининг "Реал Мадрид" билан шартномаси 2024 йилнинг ёзига қадар тузилган.