Кабо-Верденинг Фогу оролида мактаб ўқувчилари ва ўсмирларни олиб кетаётган автобус 30 метрлик жарликка қулаб кетди. Дастлабки маълумотларга кўра, камида 25 киши ҳалок бўлган.
BILD хабарига кўра, автобусда жами 32 киши бўлган. Улар янги ўқув йили бошланиши олдидан Понта-Верде соҳилига кетаётган эди.
Ҳодиса орол шимолидаги сербурилиш соҳил йўлида содир бўлган. Номаълум сабабга кўра, автобус йўл тўсиғини бузиб ўтиб, қоялар устига қулаб тушган.
Қутқарув ишлари ҳудуднинг бориш қийин бўлган жойда экани сабабли мураккаб кечмоқда. Қутқарувчилар ҳодиса жойига пиёда тушиб боришга мажбур бўлган. Айрим йўловчилар автобус бўлаклари орасида қисилиб қолган, баъзилари эса ташқарига отилиб кетган.
Оғир жароҳат олган бир неча киши шифохонага етказилган. Уларнинг айримлари оғир аҳволда.
Маҳаллий расмийлар қурбонлар сони яна ортиши мумкинлигини истисно қилмаяпти.
Зеленский Украина ҳудудининг бир қисмидан воз кечишга олиб келадиган тинчлик келишувига рози бўлиши мумкин
Биргина сурат махфий режани тасодифан ошкор қилди. 5 кун ичида нималар бўлди?
Месси — учинчи, Ямал — иккинчи: "Олтин тўп" учун асосий фаворит номи маълум бўлди
