ЖССТ бош директори Тедрос Аданом Гебрейесус Украинага ишчи ташриф билан келди. Бу ҳақда у ўзининг Twitter саҳифасида маълум қилди.
"Украинага етиб келдим", — деган Гебрейесус.
Гебрейесус, шунингдек, украиналик болаларга кўрсатилаётган ёрдамни кўпайтириш зарурлигини таъкидлаган.
"Ўзим урушда катта бўлган бола сифатида мен болаларнинг нимани ҳис қилаётганини тушунаман", — деб қўшимча қилган у.
Маълум қилинишича, ташриф давомида ЖССТ раҳбари ташкилотнинг Украинадаги ходимлари билан учрашишни режалаштирган.
