Буюк Британиянинг собиқ бош вазири Борис Жонсоннинг маълум қилишича, Украинага бостириб кириш арафасида Владимир Путин у билан телефон орқали мулоқот қилган ва ракета ҳужуми билан таҳдид қилган.
Жонсоннинг сўзларига кўра, 2022 йил февраль ойида бўлиб ўтган суҳбат жуда узоқ ва ғайриоддий кечган.
«Бир пайт у менга қандайдир таҳдид қилди ва деди: "Борис, мен сизни хафа қилишни хоҳламайман, лекин ракета ёки шунга ўхшаш нимадир билан бунинг учун бир дақиқа керак бўлади, холос"», — дея Путиннинг сўзларидан иқтибос келтиради Жонсон.
Қайд этилишича, бу таҳдид Украинадаги уруш ҳалокатли бўлиши, Ғарб санкциялари ва Россия чегаралари яқинида НАТО кучларининг кўпайишига олиб келиши ҳақидаги огоҳлантиришдан кейин қилинган.
