География бутун Ўрта эр денгизини, шу жумладан Туркия ва Шимолий Африка мамлакатларини қамраб олади.
Буюк Британия бош вазири Борис Жонсон Франция президенти Эммануэл Макроннинг "Европа сиёсий ҳамжамиятини" яратиш ғоясини қўллаб-қувватлади. Мақсад — минтақавий бирликни мустаҳкамлаш.
Макроннинг сиёсий ҳамжамият яратиш таклифи Европа Иттифоқи мамлакатлари билан чекланмайди.
Янги ҳамжамият Европа Иттифоқининг асосий қадриятларига амал қилади ва хавфсизлик, энергетика, транспорт, инфратузилма ва одамлар ҳаракати соҳаларида ҳамкорлик қилади.
Буюк Британия Бош вазири Борис Жонсон бу ғоя ҳақида гапирар экан, бу дастлаб ўзидан чиққанини ва Шимолий Африка мамлакатларини қамраб олган кенгроқ иттифоқ тарафдори эканини таъкидлади.
"Менимча, Туркия ҳам у ерда бўлиши керак. Ўйлайманки, Мағриб у ерда бўлиши керак ва биз Рим империясининг Mare Nostrum'ини (Ўрта ер денгизи) қайта яратишимиз керак", — деб таъкидлади у.
