АҚШ вице-президенти Жей Ди Вэнс Европа мамлакатларининг миграция сиёсати Франциядаги оммавий тартибсизликларга сабаб бўлаётганини таъкидлади. Унинг бундай баёнот беришiga Лимож шаҳридаги мэрия биноси ёнаётгани акс этган видео сабаб бўлди. Вэнс ушбу видеога X ижтимоий тармоғида муносабат билдирди.
«Ғарб либераллари хилма-хиллик ва ҳамдардликни баҳона қилиб, учинчи дунё мамлакатларини Франция ва бошқа давлатларга олиб киришди», — деб ёзди у.
Вэнснинг фикрича, Европа ҳукуматлари мигрантларни жамиятга интеграция қилиш муаммолари ва ўз сиёсатларининг оқибатларига етарлича эътибор қаратмаган.
«Улар ассимиляция ва ўзаро мослик билан боғлиқ асосий масалаларни эътиборсиз қолдиришди. Оқибатлар қандай бўлиши ҳақида уларни огоҳлантиришган, аммо улар қулоқ солишмаган», — деди АҚШ вице-президенти.
Шунингдек, Вэнс АҚШ Демократик партиясини ҳам танқид қилди.
«Конгрессдаги демократлар мамлакатингиз учун айнан шундай келажакни хоҳлашади», — деб ёзди у 3 ноябрь куни бўлиб ўтадиган оралиқ сайловлар арафасида.
Эслатиб ўтамиз, бир кун аввал Францияда яшаш харажатлари ошишига қарши оммавий намойишлар бўлиб ўтган. Бир нечта шаҳарда намойишлар полиция билан тўқнашувларга, биноларга ўт қўйиш ва дўконларни талон-торож қилиш ҳолатларига айланган.
Франция расмийлари маълумотига кўра, тахминан 1200 киши қўлга олинган, 150 нафар полиция ходими жароҳатланган.
Вэнснинг миграция сиёсати ва тартибсизликлар ўртасидаги боғлиқлик ҳақидаги фикрлари унинг шахсий сиёсий баҳоси ҳисобланади.
Рус қўшинлари Киевга олиб борадиган яхши асфальт йўлдан юрганида...
Ўзбекистондан учган иккита самолёт ва яна 370 дан ортиқ бошқа рейслар дрон таҳдидлари туфайли Москвага қўна олмади
Шоҳжаҳон Эргашевнинг Тошкентдаги жанги жанжал билан ниҳоясига етди
