ЖЧ-2026 учун чиқарилган дастлабки 2 миллионта чипталар сотилди

2026 йилги ФИФА Жаҳон чемпионати учун чиқарилган дастлабки 2 миллионта чипталар сотилди!

Дунёнинг 200 дан ортиқ мамлакати ва ҳудудларидан мухлислар тарихдаги энг катта ва энг инклюзив @fifaworldcup мусобақасига гувоҳ бўлиш учун ўз ўринларини банд қилишди!

"Дастлабки икки чипта савдоси босқичида энг кўп харидни мезбон давлатларимиз — Канада, Мексика ва Америка Қўшма Штатлари мухлислари амалга оширди" - дейилади хабарда.

Чипта савдосининг навбатдаги босқичи қуръа ташлаш маросимидан сўнг, 11 декабрь FIFA.com/tickets сайти орқали амалга оширилади.