ЖЧ-2026 саралаши. Ўзбекистон бугун БААга қарши майдонга чиқади

Бугун Ўзбекистон миллий терма жамоаси ЖЧ-2026 саралаш гуруҳ босқичининг 4-турида БААга қарши майдонда саф тортади.

Жамоамиз бугун БААга қарши баҳс олиб боради. Учрашув соат 19:00 да "Бунёдкор" стадионида бошланади. Бугунги ўйин олдидан терма жамоамиз 7 очко билан тўплар нисбатига кўра гуруҳ пешқадами бўлиб турибди. Эронда ҳам 7 очко бор. Бугунги рақибимиз БАА 4 очкога эга.

Бугун 4-тур доирасида Эрон Дубай шаҳрида Қатар терма жамоаси меҳмони бўлади. Қўшниларимиз Қирғиз Республикаси терма жамоаси ўз майдонида КХДРни қабул қилади.