Аргентина терма жамоаси ва «Ливерпуль» яримҳимоячиси Алексис Мак Аллистернинг фикрича, «альбиселесте» ва «Интер Майами» ҳужумчиси Лионель Месси 2022 йилги жаҳон чемпионатида ғалаба қозонишидан анча олдиноқ Португалия терма жамоаси ва «Ан-Наср» ҳужумчиси Криштиану Роналдуни футбол жиҳатидан ортда қолдирган эди.
– Сизча, жаҳон чемпионатидаги ғалаба Месси ва Роналду ҳақидаги баҳсга нуқта қўйдими?
– Менимча, ундан олдин ҳам бу ҳақда тортишишга ҳожат йўқ эди. Албатта, балки мен бироз адашаётган бўлишим мумкин, чунки аргентиналикман. Лекин шунга қарамай, Криштиануга катта ҳурматим бор. У дунёдаги иккинчи энг яхши футболчи деб ўйлайман. У жуда улкан даражадаги ўйинчи бўлган. Роналдуга ҳурматсизлик қилгим келмайди, лекин мен учун Месси – энг яхши. Унга ўхшаган футболчи ҳеч қачон бўлмайди, – дея Мак Аллистернинг сўзларини келтиради TNT Sports.
Вазият яхши эмас: Гвардиола Ҳусанов ҳақида гапирди
Гвардиола Ҳусанов нега "Сити"нинг ҳар бир ўйинида бошланғич таркибда тушолмаслигини тушунтирди
Темур Кападзе Осиё терма жамоасини қабул қилиб олишга асосий номзодлардан бири
