Жазоир БАА билан ҳаво транспорти шартномасини бекор қилиш жараёнини бошлади.
Бу ҳақда Жазоирнинг Algérie Presse Service ахборот агентлиги хабар берди.
"Жазоир Халқ Демократик Республикаси ва Бирлашган Араб Амирликлари ўртасидаги 2013 йил 13 майда Абу-Дабида имзоланган ва 2014 йил 30 декабрда президент фармони билан тасдиқланган ҳаво транспорти шартномасини бекор қилиш учун зарур чоралар кўрилмоқда", дейилади баёнотда.
Агентликнинг таъкидлашича, келишув шартларига мувофиқ, Жазоир томони БААни дипломатик каналлар орқали келишувнинг бекор қилиниши ҳақида хабардор қилади ва шунингдек, зарур расмиятчиликларни бажариш учун Халқаро фуқаро авиацияси ташкилоти бош котибига хабар беради. Агентлик бу қарорнинг сабабларини келтирмади.
Ҳозирда Жазоир ва Дубай ўртасида ҳар куни тўғридан-тўғри рейслар амалга оширилади.
Таъкидланишича, сўнгги йилларда Жазоир БААни мамлакат ва минтақани беқарорлаштирадиган ҳаракатларни қўллаб-қувватлашда бир неча бор айблаган. Хусусан, Жазоир БАА Саҳел минтақасидаги айрим гуруҳларга молиявий ва сиёсий ёрдам кўрсатаётганини даъво қилган.
Қорақалпоғистондаги “Борсакелмас” қўриқхонаси фотоқопқонига қорақулоқ муҳрланди
"Шайтон трусик": Инстаграмда ички кийимларини беҳаё реклама қилдирган тадбиркорнинг иши судга оширилди
“Уч дара” — дунёдаги энг катта қувватга эга тўғон
