Канадада термометр Цельсий бўйича 45 даражадан ошди. Бу ҳақда 29 июнь сешанба куни Канада оммавий ахборот воситаларига таянган ҳолда "Интерфакс-Украина" хабар берди.
Қайд этилишича, бир кун олдин Литтон қишлоғида ҳарорат Цельсий бўйича 46,6 даражага етган, бу 1937 йил 5 июлда ўрнатилган рекордни янгилаган.
Британия Колумбияси, Aльберт провинцияларида, Саскачеваннинг катта ҳудудларида, шунингдек, шимоли-ғарбий ҳудудлар ва Юконда ҳаво ҳарорати кўтарилиши ҳақида огоҳлантирилди. Ушбу вилоятларнинг айрим ҳудудларида ҳаво ҳарорати Цельсий бўйича 40 даражага етади.
