Жарима балларидан онлайн хабардор бўлиш имконияти яратилди

Хабарингиз бор, 1 июндан бошлаб қоидабузар ҳайдовчиларга жарима балларини ҳисоблаш бошланди .

Фуқаролар мазкур амалиётни энди онлайн назорат қилиши мумкин. Эндиликда содир этилган йўл ҳаракати қоидабузарлиги учун жарима баллари тўғрисидаги маълумотни my.gov.uz (https://my.gov.uz/uz/service/1238) ёки "Safe ROAD YHXX" иловаси (https://t.me/YHXX_UZ/44529) орқали онлайн олиш имкони мавжуд.

Таъкидланишича, маълумотда тўпланган жарима балли, қабул қилинган қарор рақами ва санаси, жарима балл учун Маъмурий жавобгарлик тўғрисидаги кодекснинг асос бўлувчи моддаси ва банди келтирилади.