Қирғизистон президенти Садир Жапаров АҚШ ва Буюк Британия ҳукуматлари томонидан мамлакатдаги бир қатор банкларга нисбатан жорий этилган санкцияларни изоҳлаб, ҳеч қандай далил йўқлигини билдирди. Унинг таъкидлашича, қирғиз молия муассасалари Ғарбнинг Россияга қарши санкцияларини четлаб ўтишда иштирок этмаган.
Жапаровнинг сўзларига кўра, 20 август куни Лондон "Марказий Осиё Капитал Банки"га санкция жорий этди ва бу банк санкцияларни четлаб ўтишда ёрдам бериши мумкинлигини баҳона қилди. АҚШ эса январь ойида "Керемет Банк"ка нисбатан шундай чора кўрган, аммо бирор далил келтира олмаган.
Президент қайд этди, бугунги кунда Қирғизистонда 21 та банк фаолият юритмоқда. Рискларни камайтириш мақсадида фақат давлатга тегишли "Керемет Банк" рубл билан операциялар амалга оширади ва барча операциялар давлат назорати остида ўтказилади.
Жапаров Дональд Трамп (АҚШ президенти) ва Кир Стармер (Буюк Британия бош вазири)га мурожаат қилиб, иқтисодиётни сиёсийлаштирмасликка чақирди. Унинг таъкидлашича, Қирғизистон кўп векторли сиёсат юритиб келмоқда ва Ғарб давлатлари билан ҳамкорликда, айниқса, Британияга йилига қарийб 1 миллиард долларлик олтин экспорт қилади.
Президент сўзларига кўра, қирғиз банклари асосан Россияда меҳнат қилаётган ҳамюртарнинг пул ўтказмаларига хизмат кўрсатади.
«Биз ҳар доим халқаро мажбуриятларга риоя қилиб келганмиз ва келгусида ҳам шундай бўлади. Бироқ мен мамлакатимизнинг манфаатлари ва фуқароларимизнинг ҳуқуқларига тажовуз қилинишига йўл қўймайман», — дея хулоса қилди Жапаров.
Қишлоқ хўжалиги вазири қўлга олинди
Афғонистон дунё давлатларига мурожаат қилди
77 марта қоидабузарлик қилган Шухрат Мусаевнинг «Lacetti»си топилди
