Жанубий Кореяда ҳукумат ва мухолифат Украинага қурол етказиб бериш масаласида баҳслашмоқда

Бу ҳақда Financial Times хабар бермоқда.

Президент Юн Сок Ёл ва бошқа юқори мартабали расмийлар Пхеняннинг тўғридан-тўғри Украина можаросига аралашувини мамлакат хавфсизлигига таҳдид сифатида кўрмоқда. Чунки шимолий кореялик ҳарбийлар Украинада қимматли жанговар тажриба олади.

Шунингдек, Сеул Москва Пхенянга ёрдам учун мураккаб ва замонавий ҳарбий технологияларни бериши мумкинлигидан хавотирда.

Жанубий Корея парламентидаги кўпчиликни эгаллаган мухолифат эса президентнинг қатъий позицияси Пхенянни Москва билан яқинлашишга ундаётганини таъкидлади.