Жанубий Корея Конституциявий суди президент вазифасини бажарувчига нисбатан импичментни рад этди — Reuters

"Конституциявий суд бош вазир Хан Док Суни мамлакат президенти вазифасини бажарувчи лавозимига қайта тиклади. Cуднинг саккиз судясидан еттитаси Ханга нисбатан импичментга қарши чиқди. Уларнинг беш нафари Хан мамлакат конституцияси ёки қонунларини бузмаганлиги дабабли импичмент учун етарли асос йўқлигини билдирди", дея хабар бермоқда агентлик.

Хан Док Су декабр ойида парламент президент Юн Сок Ёлга ҳарбий ҳолат жорий қилишга уриниш сабабли импичмент эълон қилганидан сўнг Жанубий Корея президенти вазифасини бажарувчи сифатида иш бошлаганди. Икки ҳафта ўтиб, Ханнинг ўзига ҳам импичмент эълон қилинди, у Юннинг импичментини кўриб чиқадиган Конституциявий суд таркибига учта қўшимча судя тайинлашдан бош тортган эди.