Италияда Россияга қарши жорий этилган санкцияларни бузгани учун 33 минг тонна металл хомашёси ортилган кема мусодара қилинди. Кема Новороссийскдан йўл олган бўлиб, Бриндизи портида ушланган.
RaiNews хабарига кўра, кема Океаниядаги кичик ороллардан бирининг байроғи остида сузиб юрган. Уни ҳибсга олишга Европа Иттифоқининг Россиядан экспорт ва импортни чекловчи 833/2014-сонли регламенти асос бўлган.
Текширув давомида борт ҳужжатларида жиддий номутаносибликлар, сохталаштириш ва ўзгартиришлар аниқланган. Шунингдек, кема 2025 йил ноябрь ойида Новороссийск портида тақиқланган юклаш амалиётларини амалга оширгани маълум бўлди.
Маълум қилинишича, кеманинг автоматик идентификация тизими (AIS) порт яқинида ўчириб қўйилган бўлиб, бу текширувлардан қочиш мақсадида қилинган бўлиши мумкин. Кема капитани ҳам чалғитувчи баёнотлар берган.
Guardia di Finanza ҳаракатларининг қонунийлиги Бриндизи суди томонидан тасдиқланган. Импортёр, кема эгаси ва айрим экипаж аъзолари Европа Иттифоқи санкцияларини четлаб ўтишда гумонланиб, тергов остида қолмоқда.
"Орешник" зарбаси Ғарб учун сигнал бўлди
Эрон Starlinkни блоклашга муваффақ бўлди
Уч давлат АҚШни Эронга ҳужум қилмасликка кўндиришга ҳаракат қилмоқда
