Суд собиқ қайлиғини пичоқлаб ўлдирган 22 ёшли италиялик Филиппо Туреттани умрбод қамоқ жазосига ҳукм қилди.
Италия суди собиқ севгилиси томонидан пичоқлаб ўлдирилган 22 ёшли Жули Чекеттин иши бўйича ҳукм чиқарди. Йигит умрбод қамоқ жазосига ҳукм қилинди.
Ушбу жиноят мамлакатда катта шов-шувга сабаб бўлди ва бутун дунё эътиборини аёлларга нисбатан зўравонлик муаммосига қаратди.
Қотиллик содир бўлганидан кейин ўтган бир йил ичида бу жиноятнинг кўплаб тафсилотлари маълум бўлди. Қотиллик қурбони собиқ йўлдошининг таъқибидан тобора кўпроқ азоб чекаётган, унга мулкдек муносабатда бўлган ва муносабатларининг тугашини тан олишни истамаган қиз эканлиги маълум бўлди, дейилади тафсилотларда.
Ушбу жиноят билан боғлиқ ҳолда, Италия матбуоти жамиятда аёллар ўлими (яъни, аёлларга нафрат асосида содир этилган қотилликлар) ва зўравонликлар ҳақида фаол ёзмоқда.
Туреттанинг жинояти 2023 йил 11 ноябрда содир этилган. Унинг 18 ноябр куни Германияда қўлга олинганди.
Баҳсли пеналти оқибатида 100 дан зиёд одам ҳалок бўлди
АҚШ Эронга янги зарба берди
Зеленский ўт очишни тўхтатишга тайёр
