Россияда фаолият юритаётган Италиянинг VMS ва AlmavivA виза марказлари воситачилар орқали ариза қабул қилишни тўхтатди. Энди ариза берувчилар ҳужжат топширишга шахсан ўзлари паспорти ва тасдиқланган онлайн-навбати билан келишлари керак, деб хабар берди Россия туроператорлари ассоциацияси (АТОР).
Бир нечта турфирмалар учун аккредитация бўйича ҳужжат топшириш имконияти сақлаб қолинган, лекин бунинг учун улардан тўлиқ турпакет (меҳмонхона, авиачипта ва суғурта билан бирга) сотиб олинган бўлиши шарт.
Қоидаларнинг қаттиқлашиши россияликлар учун "ёзги мавсумда Италияга саёҳат қилишни сўроқ остида қолдиради", деб қайд этди АТОР.
Экспертларнинг ҳисоб-китобига кўра, мустақил ҳужжат топширувчилар виза марказига энг камида июн охирида, ҳудудлардан келадиган туристлар эса фақат июл ойида киришлари мумкин бўлади. Ҳужжатлар энди янада қаттиқроқ текширилиши сабабли Италия визасини олиш жараёни тўрт ойгача чўзилиши мумкин.
Аввалроқ, Италиянинг Ўзбекистондаги собиқ элчиси ва Москвадаги собиқ бош консули Пьергабриэле Пападиа де Боттини ди Сант-Аньезе ҳибсга олингани маълум бўлган эди. У ноқонуний равишда узоқ муддатли Шенген визаларини расмийлаштириш тизимини ташкил қилиш, ноқонуний миграцияга кўмаклашиш ва коррупцияда гумонланмоқда.
Нурмат Отабеков хантавирус бўйича ахборот билан чиқди
МДҲ давлатларида қанча Иккинчи жаҳон уруши қатнашчилари қолган?
Энди Тошкент вилояти йўлларида “Damas” ҳаракати чекланади
