Мамлакат ҳукумати Қўшма Штатлар расмийлари томонидан хакерлик, жумладан COVID-19 га қарши вакциналар ва даволаш усулларига оид тиббий тадқиқотларни ўғирлашда айбланаётган Хитой фуқароси Сюй Цзэвэйни топширишга қарор қилди. Бу ҳақда Reuters манбаси хабар бермоқда.
Сюй 3 июл куни Миланда Вашингтон сўрови билан ҳибсга олинган эди. Қўшма Штатлар Адлия вазирлигининг даъво қилишича, у 2020–2021 йилларда Хитой ҳукумати топшириғига кўра АҚШ университетлари, иммунологлари ва вирусологларининг маълумотларини бузиб кирган кибержиноятчилар гуруҳи таркибида бўлган. Шунингдек, у минглаб компьютерларга кириб борган "Hafnium" кибержосус гуруҳига аъзоликда ҳам айбланяпти.
Хитой ТИВ ушбу қарорга қарши чиқиб, Қўшма Штатларни "сиёсий манипуляциялар орқали айбловларни тўқиб чиқаришда" айблади ва Италияни "хатосини тузатишга" ҳамда "АҚШ билан тил бириктирмасликка" чақирди.
Сюйнинг адвокати Энрико Жарда ўз мижозининг шахсини аниқлашда хатоликка йўл қўйилганини ва топширилиш бўйича ҳали расмий хабар олмаганини билдирди. Италия ҳукумати вакили эса ҳолат юзасидан изоҳ беришни рад этмоқда.
Абдуқодир Ҳусанов ота-онасига 330 минг долларлик вилла совға қилди
Кореяда вафот этган ўзбекистонлик қиз ҳақида расмий баёнот берилди
Zo'r TV бугун «Барселона» ва «Манчестер Сити» иштирокидаги ўйинларни жонли трансляция қилади
