Туркия атроф-муҳит, урбанизация ва иқлим ўзгариши вазири Мурат Курум маълум қилишича, Истанбулда 6,2 балл кучидаги зилзиладан сўнг биноларга зарар етгани ҳақида 6539 та хабар келиб тушган.
Энг кўп мурожаатлар Бахчелиэвлер, Эсенлер, Багcилар, Зейтинбурну ва Авcилар туманларида қайд этилган.
Аксарият хабарлар шаҳарнинг Европа қисмидан келган. 1473 та ҳолатда бинолар шикастланмаган, яна 101 та бинога енгил шикаст етгани аниқланган. Курумнинг таъкидлашича, силкинишларнинг қисқа давом этганлиги (13 сония) туфайли жиддий вайронагарчиликларнинг олди олинган.
Шунингдек, вазир 81 та вилоятни қамраб олувчи шаҳар трансформацияси ва ижтимоий қурилиш дастури бошланганини эълон қилди. Ҳукумат вакиллари аввалги зилзилалар ҳудудида 540 мингта уй-жой қурилишини якунлашни ваъда қилди, шундан 450 мингтаси 2025 йил охиригача жабрланганларга топширилади.
