8 июнь куни Истанбул шаҳри Фотиҳ тумани Лалели мавзесидаги Истанбул университети трамвай бекатида юз берган бахтсиз ҳодиса оқибатида 6 ёшли Ўзбекистон фуқароси Муҳаммад М.М. вафот этди. Бу ҳақда Истанбулдаги Бош консулхона хабар бермоқда.
Аниқланишича, вафот этган фуқаро ота-она ва яқинлари билан бирга Туркияга сайёҳ сифатида келган.
Дастлабки маълумотларга кўра, вояга етмаган фуқаро трамвайдан тушганидан сўнг бекат ва трамвай рельслари оралиғида қисилиб қолган ҳамда транспорт воситасининг ҳаракатланиши оқибатида оғир тан жароҳатлари олиб, воқеа жойида вафот этган.
Туркия ҳуқуқни муҳофаза қилувчи органлари томонидан ҳодиса юзасидан тергов ҳаракатлари олиб борилмоқда.
Бош консулхона марҳумнинг оила аъзолари ва яқинларига ҳамдардлик билдирди ҳамда зарур консуллик-ҳуқуқий кўмак кўрсатиш чораларини кўраётганини қайд этди.
«Истанбул шаҳрининг мегаполис сифатида йўл-транспорт инфратузилмаси ва жамоат транспорти серқатновлигини инобатга олган ҳолда,вояга етмаган фарзандларингизни назоратсиз қолдирмасликни ва уларнинг хавфсизлигига алоҳида эътибор қаратишни тавсия этамиз», — дейилади идора хабарида.
Миллион россиялик мамлакатни тарк этди
47°C иссиқликда тонг ҳам, тун ҳам йўқ: Ҳиндистоннинг энг иссиқ ҳудудида бир кун
«Жуманжи» актёри ваҳшийларча ўлдирилди
