Исроилнинг масжидларга тажовузи нимани англатади? , "Муқаддас жойлар таҳқирланишига жим турмаймиз!" - ҲАМАС

ҲАМАС Исроилнинг босиб олинган Ғарбий Қирғоқдаги масжидларга ҳужумини қаттиқ қоралади.

Фаластин гуруҳи, Исроилнинг босиб олинган Ғарбий Қирғоқдаги мусулмон диний жойларига қарши тажовузи "халқимиз ва еримизга қарши олиб борилаётган диний урушнинг бир қисмидир" деб таъкидлади.

У Наблус ва Хеврондаги масжидларга қилинган ҳужумларни қоралади, хоналарга ўт қўйилгани ва намозхонларнинг бомдод намозини ўқишига тўсқинлик қилингани ҳақида маълум қилди.

"Рамазон ойида босқинчиларнинг Ғарбий Қирғоқ масжидларига қарши тажовузи диний урушни давом эттиришга уринишдир ва халқимиз ўз муқаддас жойларининг таҳқирланишига қарши жим турмайди," деди ҲАМАС Телеграмда.

Шунингдек, у исроиллик кўчманчиларнинг Ал-Ақсо масжидига бостириб кириши ва Хеврондаги Иброҳимий масжидини эгаллаб олишга уринишларини қоралади.

Исроилнинг бу ҳаракатлари "хавфли претседент яратди, буни такрорламаслик учун барча саъй-ҳаракатлар қилиниши ва босқинчи сиёсати ҳамда мақсадларига қарши мустаҳкам тўсиқ бўлиб туриш зарур," дейилади баёнотда.