Исроилнинг Ливанга уюштирган ҳужумида 12 киши ҳалок бўлди

Ливан шарқида Исроилнинг ҳаво ҳужуми натижасида камида 12 нафар “Ҳизбуллоҳ” аъзоси ҳалок бўлди.

Бу ҳақда Lebanon 24 янгиликлар портали тиббий манбаларга таяниб хабар берган.

Портал маълумотларига кўра, 37 нафар ярадор касалхоналарга етказилган.

Райяк шаҳридаги қуролли кучлар штаб-квартираси ва Бекаа водийсидаги Ксар Наба ва Баднайил шаҳарлари орасида жойлашган дала лагери бомбардимон қилинган.

Портал маълумотларига кўра, ҳалок бўлганлар орасида “Ҳизбуллоҳ”нинг уч нафар ҳарбий раҳбари бор: Али Зайд ал-Мусавий, Иброҳим ал-Мусавий ва Ҳусайн Яғий.