Исроиллик собиқ генерал-майор: ҲАМАС эмас, Исроил қулаш арафасида

Исроиллик собиқ генерал-майор Йитзҳак Брикнинг таъкидлашича, узоқ давом этган можаро туфайли ҲАМАС эмас, Исроил қулаш арафасида турибди.

— «ҲАМАСни қулатиш» ва «барча гаровга олинганларни ҳарбий босим билан озод қилиш» каби мақсадларга эришилмади.

- Ғазода давом этаётган жанглар бефойда ва потенциал тескари натижа сифатида кўрилади.

— ЦАХАЛ ҳар куни кучсизланиб, қурбонлар сони ортиб бораётгани тасвирланган. Кўпчилик захирадаги аскарларни қайта чақиришдан бош тортмоқда, ҳарбий хизматга чақирилган аскарлар эса тайёргарлиги йўқлиги туфайли чарчаб, малакасини йўқотмоқда.

— Уруш Исроил иқтисодиёти, халқаро муносабатлари ва ижтимоий ҳамжиҳатлигига жиддий зарар етказмоқда. ЦАХАЛ бир вақтнинг ўзида бир нечта фронтда жанг қилиш учун етарли кучга эга эмас.

— ҲАМАС ўзининг туннель тармоғининг кўп қисмини назорат қилади. Унинг таъкидлашича, Исроил кучлари Ҳамас туннелларининг озгина қисмини вайрон қилган.

Брик гаровга олинганларни қайтариш бўйича келишувга рози бўлиш ва Ғазодаги геноцидни (у буни уруш деб атайди) зудлик билан тўхтатиш тарафдори. Собиқ қўмондон 2023 йил 7 октябрдаги «даҳшатли муваффақиятсизликка» алоқадор бутун сиёсий ва ҳарбий раҳбариятни алмаштиришга чақирмоқда.