Шу йилнинг 24 июнь куни Иорданиянинг Акаба шаҳридан Тошкентга чартер рейс ташкил этилмоқда. Исроилдаги элчихона чегарадан ўтишда амалдаги хорижга чиқиш паспорти ва бошқа зарур ҳужжатлар бўлиши лозимлигини эслатди.
Исроилнинг Ўзбекистондаги элчихонасининг хабар беришича, “Fly Khiva” авиакомпанияси томонидан Иорданиянинг Акаба шаҳридан Тошкентга чартер рейс (FKH9902) ташкил этилмоқда.
Акаба шаҳридан учиш: 24 июнь куни соат 19:10 да. Тошкентга етиб келиш эса пойтахт вақти билан 25 июнь соат 02:40 га тўғри келади.
Чегарадан ўтиш пайтида амалдаги хорижга чиқиш паспорти ва барча зарур ҳужжатлар бўлиши лозим, деб эслатди элчихона.
Авиачипталарни харид қилиш, Иордания визасини олиш ва Тель Авивдан Иордания чегарасигача трансфер хизматлари бўйича қўшимча маълумот учун: +972 53−556−5254 (WhatsApp орқали ҳам алоқа қилиш мумкин).
Дипмиссия рейс вақти авиакомпания ва маҳаллий ҳокимиятлар кўрсатмаларига биноан ўзгариши мумкинлигини қўшимча қилди.