Исроил бош вазири Биньямин Нетаньяху бошчилигидаги «Ликуд» партияси парламент сайловларида етакчилик қилмоқда. Бироқ экзитпол натижаларига кўра, амалдаги ҳукмрон коалиция Кнессетда кўпчилик ўринни қўлга кирита олмаяпти.
Исроилнинг Kan-11 давлат телеканали хабар беришича, сайлов участкаларида овоз бериш жараёни якунланганидан сўнг экзитпол натижалари эълон қилинган.
Исроилнинг етакчи телеканаллари ўтказган сўровларга кўра, Биньямин Нетаньяху бошчилигидаги «Ликуд» партияси парламентдаги ўринлар сони бўйича олдинда бормоқда. Бироқ амалдаги ҳукмрон коалиция парламентда кўпчиликни таъминлай олмаяпти.
Хусусан, мухолифат блоки 52 та, Нетаньяху блоки 50 та, араб партиялари эса 18 та мандатга эга бўлиши мумкин.
Исроилда ҳукуматни шакллантириш учун 120 нафар депутатдан камида 61 нафарининг қўллаб-қувватлаши талаб этилади.
Кутилишича, овозларни санашнинг деярли якуний натижалари 30 октябрга қадар маълум бўлади. Сайловнинг расмий натижалари эса 4 ноябрь куни эълон қилинади.
Сунъий интеллект дунёдаги энг қиммат сурат муаллифлигини шубҳа остига қўйди
Ўзбекистон Самарқанд ҳақидаги баёнотлар сабаб Эронга норозилик нотаси топширди
Дунёдаги энг йирик йўловчи самолёти Москвага қўна олмаяпти — ОАВ
