Исроил армияси ҳутийлар ҳаракатининг яқинда амалга оширган ракета ва дрон ҳужумларига жавобан Яманга зарба бериш режаларини ишлаб чиқмоқда, деб хабар берди Исроил телеканали Kan душанба куни.
Душанба куни ҳутий расмийлари Тел-Авив яқинидаги «ҳарбий нишонга» муваффақиятли гипертовушли баллистик ракета ҳужумини эълон қилишди. Бироқ Исроил ОАВлари ракета мамлакат ҳаво ҳудудига кирмасдан олдин уриб туширилганини даъво қилмоқда.
Исроил армиясининг режалари, ҳисоботга кўра, разведка операциялари ва зарба бериш тизимларини тайёрлашни ўз ичига олади.
Ҳутийларнинг Исроилга қарши ҳужумлари 2023 йилда Ғазо уруши авжида бошланган. Гуруҳ фаластинликлар билан бирдамликда ҳаракат қилишини айтади. Ҳусийлар ракета ҳужумларидан ташқари, Исроилга босимни кучайтириш мақсадида Қизил денгиздаги юк ташиш йўлакларига ҳам ҳужум қилмоқда.
Исроил армияси ҳутийларнинг ҳужумларини Эрон мувофиқлаштирганини даъво қилмоқда. Каннинг сўзларига кўра, Яман гуруҳи Исроилнинг стратегик иншоотлари, жумладан Ашдод ва Ҳайфа портлари, электр станциялари ва газ платформаларига зарар етказмоқчи.
АҚШ ва иттифоқчилари бундай ҳужумларга қарши курашиш учун денгиз коалициясини туздилар, аммо ҳужумлар ҳали ҳам давом этмоқда.
Ўзбекистонга яна қорли совуқ ҳаво кириб келмоқда
Пропан нархи тушишда давом этмоқда, бензин эса....
Эртага Ўзбекистонда қор ёғиши кутилмоқда
