Исроил вазири Эронга қарши операцияларни қайта бошлашга тайёрлик ҳақида баёнот берди

Исроил мудофаа вазири Исроэл Кац Исроил Эронга қарши ҳарбий операцияларни қайта бошлашга тайёр эканини билдирди.

Унинг сўзларига кўра, «Эрондаги миссиямиз ҳали тугалланмаган, биз яқин келажакда ҳаракат қилишга тайёрмиз».

Аввалроқ Саудия Арабистони Эрон ва Яқин Шарқ мамлакатлари ўртасида ҳужум қилмаслик пактини таклиф қилган эди. Бир қатор Европа Иттифоқи давлатлари ва институтлари бу ташаббусни қўллаб-қувватлаб, уни келажакдаги можароларнинг олдини олиш учун муҳим қадам сифатида баҳолаган.