Покистон пойтахти Исломободда бўлиб ўтган АҚШ-Эрон музокаралари давомида АҚШ вице-президенти Жей Ди Вэнс иккита асосий талабни илгари сурди.
Бу ҳақда Эрон парламентининг Миллий хавфсизлик ва ташқи сиёсат қўмитаси раисининг ўринбосари Маҳмуд Набавиан маълум қилди.
"Биринчи учрашувда Жей Ди Вэнс АҚШнинг Эрондан иккита асосий талаби борлигини айтди: биринчиси - Ҳормуз бўғозини тўлиқ очиш, иккинчиси - Эрондан 60 фоизгача бойитилган барча материалларни (уран) олиб чиқиш", деб таъкидлади Набавиан.
Унинг сўзларига кўра, АҚШ томони Ҳормуз бўғози ва бойитилган уранни олиб ташлаш масалаларини такрорлашдан ташқари, агар Теҳрон ҳамкорлик қилса, музлатилган Эрон активларининг 6 миллиард долларини блокдан чиқаришни таклиф қилди.
Эрон музокара гуруҳи аъзоси шунингдек, АҚШ президенти Дональд Трамп билан телефон орқали суҳбатдан сўнг Ванс Америка режаси асосида музокараларни давом эттиришни таклиф қилганини ва Муҳаммад Бағир Ғолибаф бу таклифни кўриб чиқишга рози бўлганини хабар қилди.
"Икки томоннинг позициялари яқинлашгандан сўнг, Вэнс кутилмаганда Трамп бу келишувни қабул қилмаслигини эълон қилди", деб қўшимча қилди у.
Нурмат Отабеков хантавирус бўйича ахборот билан чиқди
МДҲ давлатларида қанча Иккинчи жаҳон уруши қатнашчилари қолган?
Энди Тошкент вилояти йўлларида “Damas” ҳаракати чекланади
