Баҳрайн, Исроил, Марокаш, Бирлашган Араб Амирликлари (БАА) ва Қўшма Штатлар вакиллари уч йилдан ортиқ вақт ичида Нью-Йоркда яҳудий давлати ва араб мамлакатлари ўртасидаги муносабатларни яхшилашга қаратилган Авраам келишувлари доирасида биринчи учрашувини ўтказдилар.
Бу ҳақда CBS телеканали хабар берди.
Ушбу форматдаги аввалги ишчи учрашув 2023 йил январь ойида Абу-Дабида бўлиб ўтган эди. 2023 йил 7 октябрдаги террористик ҳужумлар ва Ғазо секторида Исроилнинг кенг кўламли ҳарбий ҳаракатлари бошланганидан сўнг, давлатлар Авраам келишувлари бўйича учрашувларни тўхтатиб қўйишди. Канал манбаларидан бирининг сўзларига кўра, Трамп маъмурияти ушбу форматни қайта тиклашга устувор аҳамият бермоқда. CBS хабарига кўра, мулоқот муносабатларни янада нормаллаштириш ва шерикликни ривожлантиришда маълум ютуқларга эришди.
Раҳбарияти илгари келишувларга қўшилиш истагини билдирган Қозоғистон вакиллари учрашувда биринчи марта иштирок этишди. Авраам келишувларига Исроил ва бир қатор араб мамлакатлари АҚШ воситачилигида эришдилар. 2020 йилда Баҳрайн, Марокаш ва БАА Исроил билан муносабатларни нормаллаштирдилар. 2021 йилда Судан яҳудий давлати билан дипломатик алоқалар ўрнатганини эълон қилди. Ушбу келишувлардан олдин Исроил фақат Миср (1979) ва Иордания (1994) билан дипломатик алоқалар ўрнатган эди.
Дунёда атиги уч киши хорижга паспортсиз саёҳат қилиши мумкин
Хитойдаги ғайриоддий лагерларни биласизми?
Россияда бир ҳафта ичида касалланганлар сони қарийб 1 миллионга етди
